呢兩個禮拜本來係應該開電影工，不過杜sir作風，好多時都可能會改期，所以變相無啦啦得到好他條的一個禮拜。 之前兩個月無進行到的吃喝玩樂，快快手手做晒佢，因為過多一個禮拜又要full speed衝衝衝，電影加china drama tour，架喇。 好，睇睇我做過咩先： 好耐無見dorib，呢幾日見左佢兩次，尋日去左皇府，發現左呢個湯。 襯住本人未（再）開始齋戒，拿拿林整返碗先。中醫話我血氣唔好，記憶中豬潤係補血的（定係豬肉？），以形補形啊下。 話時話，豬潤所以叫豬潤，係因為豬肝=乾，乾乾聲唔好聽，就叫豬潤喇。好似係，除非唔係。 阿百厭菇爹，你咪甘多野講啦，我好驚我老左好似你甘樣啊唔停嘴啊！！！！ 呢個係奇景，呢三位朋友好少何甘和諧甘一起訓響床度（雖然呢排啊gooloo有90%時間都係訓響呢個位，geelee就70%). 同埋我發現而家啊gooloo痴啊菇母多過痴我喇！！！哎呀呀自作自受無得怨。 去食日本串燒我必點的，牛舌，燒白鱔，銀杏。 我成日覺得mcdongdong一定係落左d唔知咩special ingredients落去d食物度，到時到候你就會突然好鬼想去食個餐。今日我又去左喇。…. 我十次去有九次都係甘叫： 魚柳包餐加兩枚雞翼。我係prefer雞翼多過雞drumstick的。 好，報告完畢，今日我還有做左一個小時blog tv，miss左就去返呢度睇啦。 supergoo...
November 29th, 2009
goomusic sweater no.3!
上回講到，我啊何菇響facebook fan page達到20000人次之時，承諾大家我會送出三枚goomusic sweater，讓大家過一個暖粒粒冬（秋？）天，而上個禮拜我地響facebook輕輕易易就比兩位朋友“立”走左我地頭兩件。 基於大家都似乎擁有不可告人之強大偵探基因，亦基於有很多人投訴自己睇都未睇到個問題就已經比人答左，我決定今次要比上兩次更更更難。tips屎唔會比甘多唔在講，而且今次個標準答案將會極度嚴格，稍為少一個字都算錯。 好，問題來了： 曾幾何時，我告訴過大家我最最喜愛的一套電影，裡面女主角名為梁好裘，她於片中一幕需要讀出一篇稿，全長八句。 請大家將此稿一字不漏於這篇gooblog comments內打出來，包括她每一個停頓位。 三，二， 一， GO!!!!!!! 最快又準確的朋友將會是勝出者。 （大家不用擔心有沒被approve，因為我是有timecode的。） 大家可以於goomusic website內的hall1c onlineshop睇下個goomusic sweater版！！！！ http://www.goomusic.com.hk...