人黎講，其實我也算係幾節儉的。唔怕話你地知，我到而家都重係用緊我搬入黎個陣買個部大牛龜電視機，即係個背脊好厚o個種呢？一來懶換，而來，既然又未壞，做乜要唔用呢？雖然佢睇睇下係會有d橫間同埋d人個面色會變綠，不過除此之外，都無咩唔好啊！ 不過甘，最近終於要將用左八年張沙發換走。 就係佢。 除左因為佢年事已高，身上沾滿左八年來清除唔到geh貓毛，左邊身體已經被三位貓大人抓到體無完膚之外，最主要原因係，我本人都開始年時高，而出現所有老人都有geh問題：就係唔坐得呢類坐左落去會好似遇溺一樣沉左落去geh軟沙發。 就甘，人體結構，每一個部位係一件需要好好保養geh零件，尤其腰骨同埋脊椎，日積月累之下，極度容易行錯路，踏上歪路。當然，基本上有9成城市人都係坐得衰又行得衰，又缺乏運動，所以亦有九成城市人都有脊椎問題。我呢，就因為當年重係一個結他手geh時候去得太盡，導致頸椎嚴重創傷，加上之前家中上網配備差，攪到今天要時刻小心坐姿站姿走姿。 終於下定決心，將呢套軟野換走。 搖身一變，變左佢！！！！！！！哈哈哈哈哈哈哈哈哈，係咪好靚仔呢！！！！！！！！！！！ 人都係需要受教訓先會學懂。今次選料及形狀亦因應之前的問題而起了莫大變化。我本人滿意非常，除左終於唔洗坐壞條腰之外，亦終於唔洗再為所有穿黑衣上來我家geh朋友仔擔驚受怕（以前佢地著黑衫入黎，出返去會變左白衫架）。 不過可能因為沙發太硬的關係，同埋佢地唔見左個巨型磨爪器，呢兩位用家好似唔係好滿意。坐埋開檯底會議….. 唔理得甘多，我同gooloo享受下先。有人想一齊坐下嗎？ 攞個Ipad坐響樹上下網都唔錯架！ 經過一天geh消化，呢位朋友仔似乎開始讓步……. 不過有點不情不願，同埋有點不自在。 左伸伸，右伸伸…… 吉：唉，算啦，勉為其難收貨啦………… 分享此文章百度搜藏新浪微博搜狐白社会开心网谷歌收藏淘江湖鲜果九点Facebook百度空间新浪收藏嘀咕人间和讯网摘创业邦若邻网奇客发现挖客网115收藏Delicious
