沙發！！！！！！！

人黎講，其實我也算係幾節儉的。唔怕話你地知，我到而家都重係用緊我搬入黎個陣買個部大牛龜電視機，即係個背脊好厚o個種呢？一來懶換，而來，既然又未壞，做乜要唔用呢？雖然佢睇睇下係會有d橫間同埋d人個面色會變綠，不過除此之外，都無咩唔好啊！

不過甘，最近終於要將用左八年張沙發換走。

就係佢。

除左因為佢年事已高，身上沾滿左八年來清除唔到geh貓毛，左邊身體已經被三位貓大人抓到體無完膚之外，最主要原因係，我本人都開始年時高，而出現所有老人都有geh問題：就係唔坐得呢類坐左落去會好似遇溺一樣沉左落去geh軟沙發。

就甘，人體結構，每一個部位係一件需要好好保養geh零件，尤其腰骨同埋脊椎，日積月累之下，極度容易行錯路，踏上歪路。當然，基本上有9成城市人都係坐得衰又行得衰，又缺乏運動，所以亦有九成城市人都有脊椎問題。我呢，就因為當年重係一個結他手geh時候去得太盡，導致頸椎嚴重創傷，加上之前家中上網配備差，攪到今天要時刻小心坐姿站姿走姿。

終於下定決心，將呢套軟野換走。