其實世事往往就係甘奇妙，老套d講，就係，當妳好努力想令到某d野發生，但如果個天覺得未係時候，妳點樣努力佢都始終係差一步。但如果個天覺得係時候要發生，就算妳唔去設計唔去plan，佢都係會發生。 記得在若干年前（正確來講應該係1999)，在本菇剛剛踏進呢個娛樂圈geh時候，好自然，當然就會作出多方面嘗試，於是就接左第一部戲“烈火青春”。好不幸，我個角色響出場十分鐘後就瓜左。自此，三年內每一部接過geh戲，無一部係真係知道自己應該做d咩，個角色諗緊咩。經過一試，再試，然後緊接三番四次再多加個五輪geh打擊後，終於決定息影，兼且覺得自己都係疊埋心水唱歌算喇，我都係無演戲天份架喇。 不過，暗地裡，我心不死。好，演戲唔得，舞台劇，總得掛。因此，梁祝出現。梁祝，帶來兩位好好geh導演進來我生命，一位係梁祝戲劇導演司徒ROY，另外一位就係大家都好熟悉geh麥欣欣。就係佢地兩個引導之下，慢慢令到我對演戲geh興趣同埋信心翻曬黎，而且更加一步一步將我以前隱藏左響心裡面geh情感引導出來。呢個project, 發生在零五年，自此，某些經絡通左，身體默默在我工作中學習感受，學習關懷，學習留意身邊一切大小事情，人變得更敏銳，心亦變得更大了。 今晚同我一位伯樂傾計，我話，哈，我個路途都真係幾得意，好似總係咩都比其他人慢一兩步，人地做左一陣，我先慢慢開始做。隔左甘多年，先開始真係走進電影呢個世界。佢話，其實都唔係啊，有陣時，所有事情就係講timing。尤其係演戲，就係妳要有左一d經歷，一d回憶，一d人生，先可以qualify去做o個樣野。其實都係。有可能，如果“遊龍戲鳳”係響五年前出現，無經歷過梁祝，無認識到麥欣欣，無做到十日談，好大可能，我個演繹會係完全兩回事。然後，如果無“遊龍戲鳳”，我亦未必能夠做到最近呢個舞台劇，然後又未必著到o個d衫，某d細胞又可能打唔開，然後又未必可以轉化到而家呢個我。 所以，所有事情，原來真係有一條路線圖，要做到第10步，你就係要先經歷123456789，跳左一級，好大可能最後出來效果就係差個一點點。我好慶幸我從來唔係一個心急geh人，我亦好慶幸，機會來到，我已經用左十年時間來準備，然後準準甘將佢捉住。 先容許我在此講聲多謝（因為我覺得我都無咩機會上台講架喇，哈哈），多謝劉導演甘信任我甘愛護我甘sack我，設計左一個完全度身geh角色比我。因為“遊龍戲鳳”，我得到“女王辦公室”，得到“男人與女人之戰爭與和平”，得到“奪命金”，更得到呢個提名，得到呢條新開拓geh路。對我來講，呢一切係一個肯定，一個確認。 嘩嘩，睇黎有獎無講，我都已經賺突晒喇。哈，真係比林奕華講中，原來今年真係菇仔成熟時。 分享此文章百度搜藏新浪微博搜狐白社会开心网谷歌收藏淘江湖鲜果九点Facebook百度空间新浪收藏嘀咕人间和讯网摘创业邦若邻网奇客发现挖客网115收藏Delicious
movie
奪命菇
等待了兩個多月的電影終於開拍，這次還是逃不過我的電影運，還是做一個要穿套裝的角色，哈哈。這次的角色是一個銀行的職員，負責推銷基金產品，所以單是那些專業名詞就夠我發瘋了。尤其對於我這種完全對財經基金股票之類完全沒概念沒興趣的盲毛，更是難度極極高。而且本來要拍杜sir杜琪峰的戲就已經是有點壓力的，還要講這麼多這麼長的對白，真的稍不留神就會舌頭打結。 不過話說回來，能拍杜sir的戲也是蠻神奇的。尤其小時候都是看他的戲，有梅姐的如東方三俠，審死官，鍾無艷，其他的經典如阿郎的故事，天若有情，孤男寡女等等，想不到到今天竟然有份演出他的電影。在場地等“埋位”的時候，令我回想到有一次當梅姐在拍“鍾無艷”的時候我們也有去探班，看看年份這也都已經差不多是十年前的事了，真的日月如梭。 聽過很多人說杜sir開工時會很兇常常會罵人，從這兩天的經驗，我倒覺得他對演員反而是很有耐性去教戲的。每一個鏡頭他都會慢慢跟你說他需要你怎樣去演繹，為什麼他要你這樣演繹，鏡頭上他會如何設計然後出來的感覺會怎樣，如果你不明白，他就會用不同的方法去說明。所以說，很多傳言還是要親身去證明比較好一點吧。老實說，我發現有時候他的描述還蠻幽默，會讓我發笑的呢，哈哈。 這兩年突然多了很多演戲的機會，很幸運地每次都可以跟一些很好很好的導演合作（包括我的MV及舞台劇啊！），所以每次我都會盡全力去吸收吸收，就算不是我自己的戲份也盡量留心人家如何演繹。都三十歲有多了，是時候發展一下自己其他的才能了吧，哈哈。 Bonus footage : 戲中我這條線的主景，還好是冬天拍，如果是夏天我們必定中暑，因為這裡空氣完全不流通。 在場地的後面街發掘了這家超超超好吃的魚蛋粉。我已經連續吃了三餐了！yum! 奪命菇以外： 昨天有優雅的gooloo，今天就送張俊朗的geelee給大家吧！ 分享此文章百度搜藏新浪微博搜狐白社会开心网谷歌收藏淘江湖鲜果九点Facebook百度空间新浪收藏嘀咕人间和讯网摘创业邦若邻网奇客发现挖客网115收藏Delicious