記得在兩年前當iphone初推出市面，然後所有阿姐阿哥阿生阿太都走去買了一部的時候，本來覺得一定也要買一部的我，因為看到炒風處處，而且覺得好像此產品突然變得很平凡的我，就裝得很不在意的說我不要買了。結果在一年多後iphone 3G推出了，還不是忍不住誘惑，藏不住自己的身份，終於還是買了，而且隔沒多久現在還換了一部3Gs（雖然是人家送的 :P）。 昨天晚上網路上吹著一陣熱風，各人holding their breath，等待著此新Apple產品的到臨。友人還把live conference feed傳過來，引我跟好幾十萬的其他geeks一起得到第一手資料（害得我本來想要上床去睡覺的我，結果今天早上起來工作還是睡得很不夠）。好了，看到了，而且當知道入會價美元499後，我只能認命地正式宣佈，我大概應該如無意外很大機會一定會買這個Apple iPad了。 縱使我已經擁有兩台imac一台macbookpro15″一部iphone以及一部ipod touch。 縱然iPad這個名字真的很像女性用品。 iPad, iPad, 90日後見！ In case 你還沒看過它。 原來早於兩年前已經有人於youtube用apple ipad此名字設計過一個模擬產品喇！...
January 28th, 2010
盧海鵬試咪…
記得若干年前，某天響tvb做緊某音樂節目之際，突然有人話比我知盧海鵬響隔離廠拍緊野，興奮莫名的我立刻跑往該廠厚住面皮問啊鵬哥可唔可以一齊影張相。事後立刻攞住呢張相響朋友堆當中non-stop炫耀。需知道，小時候geh我，係飲歡樂今宵扮野節目長大geh，什麼幾許瘋語啊，這是菜啊，豈有此披啊等等“改編”歌曲已經成為我童年其中最美好回憶之一，當中當然就係以鵬哥最得我歡心，最抵死係就算佢本身外型半點都唔似個原唱歌手，但佢就係有辦法扮到似到你拍爛手掌。（其中最愛一定係佢扮哥哥隻stand up，youtube搵唔返添，搵到請話我知。） 好，回正題，o個次影完相以為已經係我人生最高點啦，點知，事隔好幾年，接左呢部奪命金，開工第二天，竟然被告知我戲中其中一個最多對手戲geh會係鵬哥。大家能夠想像我當時心情嗎？簡直好似中六合彩一樣啊！杜琪峰先生確係有品味，搵演員都搵得出色過人，嘩哈哈哈哈。 好，終於等到鵬哥開工第一天喇，影返張得’chick’相先，VVVV!!!!!! 故事講到佢係我銀行客仔，係成日攞好多錢黎入o個亭。雖然係正經戲，而且對白上完全無笑位…. …但大家睇下。我，失守了。 一向嚴肅及認真非常的我，都比啊鵬哥攪到我停唔到甘笑。可能佢以前做開EYT蝦仔爹o地等等節目都係比佢自由發揮，什麼“一日一個橙，鑊都唔洗省”之類geh金句秒秒鐘都有，所以要佢跟稿跟對白講就當然會笑料百出。有時佢唔記得要講咩就自己創作填返d野入去，你話甘樣我唔笑到牙都爆就奇啦。加上唔知點解佢天生好似就裝左個攪笑software甘，就算佢好認真甘望住你，你都會覺得佢個樣極好笑。所以呢兩日成個片場都充滿歡樂，人人笑不停。 （懶）認真的鵬哥。 話甘快兩日戲就拍完，不過好在，後面重有對手戲。臨走，當然就要影返張炫耀相啦！ 唔，我覺得，連鵬哥都合作埋，我演藝生涯都應該算完滿了，可以榮休喇。 啊，唔得唔得，重有黃韻詩啊！！！！ p.s. 搵唔到stand up，照post呢個都係好好笑的“陪著你嘔”啦頂住先！ 分享此文章百度搜藏新浪微博搜狐白社会开心网谷歌收藏淘江湖鲜果九点Facebook百度空间新浪收藏嘀咕人间和讯网摘创业邦若邻网奇客发现挖客网115收藏Delicious