好興好興好興好興好興好興好興好興好興好興好興好興。
今晚比我響我d work入面發現一個重重重大錯誤，而，點解我甘興呢，係因為呢個錯誤唔係第一次，唔係第二次，亦唔係第三四五六次出現，而係第N次出現，比你，你興唔興？人會出錯，我明，亦會諒解，而其實我都真係唔係一個大家覺得甘容易發火gen人，但係錯完，再錯，再錯完，再再錯，重要係完全唔覺得要正視問題甘geh態度，我就真係好憤怒喇。
需知道，我個team每次都好辛苦甘用好多心血做一d我認為好好geh事情出黎，但去到臨門一腳比一d唔上心geh人攪到成件錯晒甘出現，全部之前所有人花geh氣力都等於白白丟落海一樣。我真係不能夠接受。
我成日比人叫我唔好甘辛苦咩都理，做歌手就唔好理甘多瑣碎事，其他野比其他人做，但我想話比大家聽，點解我成日要咩都理，正正就係因為呢個世界有太多草草了事geh人，求求其其交到貨就算，所以往往就係當我放少少手唔跟進晒所有steps，就會出事。老實講，你估我好好玩咩，咩都要自己做晒，但係一係你就接受同埋有心理準備個制成品會有機會甩皮甩骨，如果唔係，都係要自己跟到足穩陣。道理好簡單，你點可以expect其他人同你一樣甘上心，呢個世界唔會有人比你自己更緊張你自己d野，講完。
唔好嫌我老土，我真係好想勸大家，緊守崗位，用心工作。因為你一個人出錯，好可能影響另外十幾二十人，令他人心血完全白費。
－－－－－－－－－－－－－－－－－－－－－－－－－－－－－－－－－－
太興。興到頭痛。要食個麵先能定驚。
半夜好鬼興，食個靚麵先有返d衝勁。
題外話：
多謝大家甘支持我地呢個新gooblog，第一日就有差不多六千人來到賀喇，感激！！！！！！！
比個graph大家睇下先！
REally big big thanks!!!! 5950 views for the first day!!!!!
補充…
咁夜食麵…怕唔怕胃痛呀?!?
GOOJAI,你ge說話中哂pt!有時真係激到爆炸!有時真係好灰心,不時聽到”呢個世界就係咁呢個世界就係咁”,不過我就會諗,就算呢個世界係咁,我都唔可以俾一個藉口俾自己,俾其他人,就係因為世界係咁,我地先要改變!”我們仍然未得勝!”
做野認真,緊守崗位!
p.s 個面好好食….條菜又好靚…
哎，就係咁。唔係自己野就不會上心，有時就算唔係唔上心，都唔知點解每人的標準可以唔同成咁，所以我的工作係我的工作，佢的工作又係我的工作。有乜計吖。
學Donald Trump講:You are fired!
至少於你的工作範圍中消失.
極同意你個題目:一人做錯十人當
一個人做錯,影響嘅永遠都唔止佢一個.
Tomorrow is a new day…fresh start. Forgive and forget. Take it easy Ah C, everyone is different, you did your best no regret. It’s up to others if they want to change.
Have a nice weekend~
校長妳明明就不是一個很愛生氣的人
妳只是對一些事情有自己的堅持
妳的情緒起伏,都是認真的…..
唔好咁興!!
我好同意你所講, 安份守己! 做野還做野,..玩還玩!! 有d野錯左就冇得返轉頭!
我公司都係做一d產品出o黎既, 試過有人所謂既唔小心, 最終成件製成品都錯晒..到今時今日…都冇得補救>
“但係一係你就接受同埋有心理準備個制成品會有機會甩皮甩骨，如果唔係，都係要自己跟到足穩陣。道理好簡單，你點可以expect其他人同你一樣甘上心”
好有共鳴呢!!
完全明白你o既忟. 作為一個事事都追求完美o既人就更加會忟多幾錢.
一個project明明係好多人一齊做. 就硬係會有呢d free rider o係度是旦旦咁交貨, 仲要加多一句, 得啦, 佢地會執返好佢o架啦. 唔幫佢做又拖累成個project, 幫左佢, 佢又一世都唔會識一世都唔會進步. 真係好難取捨. 幫人地做埋佢個份有幾難, 不過咁就defeat左成個”合作”o既purpose了.
一定要記住, 你唔係o係荒島度住o架!
我都明白及感受你為何咁嬲。
我都是一個要求比較高的人，希望每件事都能順順利利，能將整個製成品完成。而我公司都會有一些咁既人的存在，草草了事，因此都令我不能放開手給他們做，寧願自己辛苦些，事事都跟到足。一但自己做錯了，自己都心甘命抵，但都盡快以最好的方法立刻補救先為上策。
菇….不要嬲太耐啦！如你的心情處於極嬲的狀態，若這件事能夠補救，都未必能夠補救得好好呢！放開心情吧！
弊，唔記得打繁體，唔知你識唔識睇。
“呢個世界唔會有人比你自己更緊張你自己d野”
“緊守崗位，用心工作”
牢記在心！
個”面”無營養,少食D，青菜多食D！
我做野都钟意亲力亲为，有时比D野人地跟，又跟到一塌糊涂，唔比D野人地跟，又做死自己无人可怜，十万个矛盾中，睇少眼都唔得。好拉，唔好禁兴拉～伤身啊！
唔好咁興喇
p.s. 你要加油
明白你ge感受，呢D人真係好討厭。
願我記住！
多謝你！個”面”好好食
忍唔住留言。加油！CC
真系好興喔~~~哎~~~學霆鋒話齋：有錯就要認，打就要企定！
em…..點講好呢…呢些事不在其位或者想得唔夠遠的人是永遠唔明白只是佢的一個小小齒輪做錯野…..點解有人可以咁火……佢地都覺得….”車,小小野之嘛….”but就是呢小小野….已經足夠可以令人想打死佢囉…..我明,是因為我公司都有點咁的人存在…所以….我都是經理…..”經過都要理”….==”..(from my friend’s creation~)
好多人都係事不關己 己不勞心…
我都試過…=(
P.S 校長可唔可以係個blog到加番你upload blog既時間??? (好似冇呢~~~@@)
我都試過好似菇咁，個下真係好嬲好炆
始終自己既事都係自己先最著緊。
食完麵就唔好嬲，比心機再黎過~
加油
if everyone sticks w/ their respsonsiblities, world will b simpler… but it’s a cruel world after all.
Goo, just do what u can, and try not 2 get frustrated… =] cheer up!! Give u +ve energy!!
Winz
x
明白晒，會好好記住校長的教誨。
還好的是你有什麼不如意都有一大班菇徒同朋友同家人在你身邊安慰及支持你，給你好大的力量。 這是你的福份，我自問就沒有了。
你的BLOG不愁沒有客仔，因為我地個個日日都會上黎關心你發生咩事。分分鐘遲D有廣告商搵你賣個位俾佢地賣廣告，哈！
One ruler cannot measure all the things gar ma
The best way is as you said, to follow up it yourself
But remember to alwasy have a BALANCE between your effort can do and your acceptance ; )
我依家明白你點解咁興了! 其實佢係咪對個個人做親野都會係咁架? 係本身能力問題嗎? 始終應該一個人重覆出現犯錯,好難接受!
唉…睇到呢篇BLOG…身同感受。
我都唔明宜家D人點解唔帶心做野…我公司今日就會炒一個已經俾左好多次機會叫佢小心做野既人。那個人連抄寫都抄錯…唔止一次、二次…係N次… 旁人仲要幫口話佢只係唔小心… 但點解可以咁唔小心？明知自己成日都錯，就唔該DOUBLE CHECK先好交貨啦…
唉…用心工作既人太少，講是非既人太多。
想話呢, d 菜好靚lor
嗯，不妨討論一下。就好像我做領導，確實有很多員工的工作我不滿意，有的人是完全對工作不上心，有的人是能力不夠，但那是否就意味著我要親力親為做完所有的事呢？
記住了記住了!
Add oil ar !!!!!!!!
好似你禁講，係呢個世界上無邊個人會緊張自己既野，除左自己之外，因為每個人都有唔同的要求。
even 你叫人幫你跟，佢都未必跟得好，因為佢可能唔太上心又或者好多其他因素 ……
所以我都喜歡親力親為，不太依靠別人 ……
Anyway,
希敵望你訓醒就唔好再禁興啦~~~~ ^.^
興得多唔靚靚 ga la ^.^
吃個面開心翻點啦！
唔好咁火滾….不過時下好多打工仔都係草草了事,,,是是但但!
學菊姐話: 事事都要力求完美…..真係唔係咁多人做到 ! 總之做好自己本份….唔好累到人,,其實已經係好大既幫忙..haha ! 開心d喇香港人 !
Don’t angry la goo…..
我們會記得你嘅說話喇!!:D
wow! the server mail me your article to my mailbox when you update your blog!!!
it’s so convenient!! ha ha!
唔好嬲唔好嬲~calm down~
呢個世界上, 就係太多得過且過既人,
以為完成左野就算, 唔會諗下要其他人幫自己執手尾…
所以, 好似你咁, 放個心出黎對份工, 真係未必個個人都會做到….
我會記得你呢句說話:”緊守崗位, 用心工作”!
避免自己做錯野要其他人執手尾架喇!
I totally agree with you. I believe that regardless in a team or an individual work, one should give one’s best. It is only responsible to yourself and to your team. It makes me very angry too when teammates dun do their work and expect others to “clear their rubbish”. I support you!!!!
唉，有時真係求人不如求己，有啲人真係信唔過，好似出糧比佢係應得自己唔駛付出咁．．．
唉….只可以概嘆呢個世界就係有太多唔上心工作的人. 我也正面對這種人, 正正坐喺我後面, 日日篤眼篤鼻. 唔係做錯野, 不過係唔識appreciate人地對佢做過既野, 公司對佢好好, 佢話要去玩, 請no pay leave, 老細都照批, 一次又係咁兩次又係咁, 睇醫生覆診, 至多咪覆上晝or 下晝, 次次都要請成日, 唔係都返到嚟10點幾就走, 咁不如唔好返.
好興好興好興架…. 咪又係要對住.
你都係唔好咁興喇, 唯有….食d甜品開心吓啦!!!
好多人不但沒有責任心, 有錯又互相推卸,
常常覺得做錯嘢好小事, 以為件事會不了了之, 於是繼續重覆犯錯,
雖然唔知咩事, 但我認為GOO應該強烈投訴和追究,到底, 要相關的人好好檢討, 不要讓那些人以為可以草率做事, 得過且過
希望GOO可以搵到D真正用心的人合作, 分擔你的工作啦!
氣都沒用啦，趕快補一補~~~
而且要好好的讓犯錯的人知道事情有多嚴重，
下次你才有機會放手嘛～
be strong n tough our goo!!
Peace be with you goo!!
在能力影響下找一個自己喜歡的人, 絕對相信的人分輕一下也並非壞事~??
「用人唯親」或許在某些情況下會更efficient??
工作要有責任感..知道! (因為自己過錯而連累他人我也感到不好意思+慚愧啦^^)
原來係工作O既事搞到咁興
係咪真係冇得救呢…d 人?
train o下得唔得? 再培訓又培訓係咁培訓
“分工”同”委派”真係需要 ga，否則真係做死自己，冇哂時間做其他o野
你唔係超人!
要搵其他同你一樣上心o既人?
有，愛你o既人 (例如: 我地)
不過往往愛你o既人會有盲點。
你唔老土，呢個社會好需要多幾千幾萬個對工作咁上心o既人
唔該繼續將呢種態度感染多千千萬萬人.
菇先岩= =
haha..食完個麵就吾好嬲喇xd
加油牙茹:)
同意你所講既野, 冇人會比自己更緊張自己既事.
始終都係親力親為係最好, 起碼係自己做既, 就算衰左都心甘命抵.
我一直都相信只要落足心機去做好一件事, 就一定唔會差得去邊, 每個人都有能力做好.
所以即使係辛苦, 我都唔會是但求其做左就算, 盡力做到自己可以達到既最好.
做人做事最緊要對得住良心, 對得住自己.
支持你! 加油! =)
希望呢個BLOG越來越多人睇, 越來越多人欣賞你認同你.
菇大人,
唔好咁嬲…….come down……..
做野認真係1件好事.’
要將e個信念堅持落去啊.’Goo.’
我都明白妳心情既”
但都係果句啦”唔好咁興啦”
我係十分之欣賞妳做事果種認真同投入既態度”
學妳話齋 [ 呢個世界唔會有人比你自己更緊張你自己d野 ]
好可惜唔係咁多人明白呢一個道理”
食完個靚面”希望妳心情會好d 啦=]
依家可以做得d咩…..就係再o黎過。
我一定會將你呢留說話引以為鑑。
一個人做錯事，有時真係要好多人一齊承擔。
謹記goo的說話！緊守崗位，用心工作，唔好令他人白費心血。