感謝感謝各位踴躍參與，我地喜羊羊caption大賽已截止投稿。 基於太多出色參賽品，同埋基於呢排年尾個個甘鬼緊張投呢個票投o個個票甘，我決定呢次勝出者唔會由我本菇選出黎，而係由你地一人一票投出來！！！！係咪好鬼公道，好鬼民主，好鬼好玩呢。OH YEAH。 拿，最後入圍總共有六強，大家可以響右手邊個POLL度投你地心目中最有文采o個位神聖一票，各位入圍朋友亦可以叫多d親戚朋友三姑婆六舅母黎幫你地投票（係甘架喇，呢個世界個個都係搵人投票架啦。），由今天開始到12月31號23:59:59，得票最多朋友將會得到“跌打暖笠喜羊羊”！！！！ 好，參賽作品如下： caphy PHOTO A 以籠為牢 沉思過去 遙望神州 大步向前。 PHOTO B 神獸背上倒樹蔥 嚇得jelly變洋蔥。 PHOTO C 在你眼前的是一面面幽暗的高牆 不能後退了 只能大步跨過去。走到這兒 覺得失去很多??不~!!...
Goo contest 
聖誕“喜羊羊”有獎遊戲！！
updated at 1:45am 27/12 : 好，遊戲截止喇，勝出者稍後公佈，謝謝各位參與！！！ HAPPY BOXING DAY!!! 記得細細個時候，呢一日就最開心，因為床頭掛左一個月寫住自己個名DENISE隻聖誕襪，終於可以打開，終於可以知道自己會收到咩聖誕禮物。諗返起黎，以前細個有呢d規矩，反而可以令到生活更加增添一d小期待。 好，既然係甘，適逢boxing day，為左令大家重拾一d期待，等我送出一份隨身小禮物啦！ 其實係甘geh，尋日聖誕節supergoo blog tv christmas special期間，我心血來潮，承諾左在線geh朋友仔們，我會將呢隻“喜羊羊”送出。呢隻羊來頭不少，係我若干年月日前去日本時買geh。 佢，並唔係一隻普通geh羊，佢，係一隻能夠幫你保溫geh羊。佢個肚係開得geh，而入面有個小型暖水壺，裝左熱水入去，你就可以暖笠笠喇，係咪好想要呢？唔止添啊，因為佢跟左我成個巡迴，同我其他野放埋一齊，包括我支老人家必備之跌打酒，所以佢重有一陣幽幽的跌打酒味添架！！！係咪更想要呢？哈哈。 好。拿，要得到，就當然要付出； 今次遊戲玩法好簡單。以下有三張我重遊七九八時影geh相，請大家為每一張套上你認為最合適geh...