啊啊,活到三十有二歲,終於有個仔啦。大家快d恭喜我啦。佢係咪好得意好可愛好似我呢。哈哈哈哈。I WISH。

不過我就真係無欺騙大家,佢真係我個仔,不過唔係親生,而係東風破入面演我個仔geh小朋友。

人地親生阿媽響樹。不過大家都唔能夠怪我甘驚嘆,除左因為我都真係好恨有個同我好似樣geh仔女,除左呢個小朋友都真係好精靈可愛之外,其實佢真係有點似我細細個o個個樣架。

拿,有圖為證。

係咪無ARK你地呢。真係有七分似架。我諗,如果我真係走去生個仔,都應該係甘上下樣啦。嘩,係都唔區,甘可愛!

好好好,時間rewind到拍攝第一天,無錯,係一月二五號。

呢度就係我屋企喇。唔好以為呢個係搭geh景,完全係實景黎架,而且我呢個角色geh藍本真係住響入面。拍攝當日佢地都如常出出入入,包括呢位靠車衣養大個女geh單親媽媽, 同埋佢個讀緊中學geh女女。講比大家知,你地可能會好驚訝,原來香港真係重有好多小朋友甚至中學生住響板間房,日日溫習讀書做功課就係響一個光線不足同埋窄小geh空間度。拍攝當日我地因為一路到兩點幾都未收工,攪到阿女逼住要趴響張臺上面訓。其實諗起都覺得唔好意思,不過當時我暗暗響心入面祝福呢位小朋友,讀書成材,以後能夠帶媽媽離開呢個居住環境就好喇。

好,講返呢位好心地又浪漫geh導演。

當日佢要即席揮毫,為我地戲中props寫返個大字。

佢寫字之際,因為時間係晨早七八點左右,然後我亦一身阿婆服,所以我就入戲地做個甩手操先。one more, two more, three more, 哎呀,點解越做越多geh?

呢位同學,事隔五年,我地又重遇。我就老左又被歲月摧殘,但係點解佢都重係甘geh樣。細路,唔好以為留左鬍鬚人地就會以為你老左播!

呢個仔都真係抵SACK,戲好又精靈,重挨得播,由朝早拍到入夜都無扭計又無話要返屋企。抵我甘鍾意你!第日大左做左影星攞影帝記得多謝你呢個一次性哎呀阿媽阿!!!!!

好啦,係甘多喇,講聲拜拜,“東風破”唔知三月尾定四月頭上畫,記得捧我地場喇!!!!!